ليت ربي ماخلقني سحيمي هي من القصائد الجميلة والتي يحب أن يقرأها كل المهتمين والمحبين للشعر والفن الجميل، وإليكم نص القصيدة في المقال خلال السطور التالية.
ليت ربي ماخلقني سحيمي
تعتبر هذه القصيدة واحدة من القصائد التي يحب قراءتها الكثيرون وتمتلك النصوص والعبارات القوية وجاء النص الخاص بها كالتالي
ياراكب من فوق طلـق الذراعيـن = يطوي مسير اليوم في قدر ساعـه
مرباه في الظفـره بـلاد النسييـن = يعجبك في الأرض السماح ارتباعه
يافاطـري ياللـي ثمنهـا ثلاثيـن = ولا معانقـة الجـمـل باندفـاعـه
يبرى لها قب ٍ سـواة الشياهيـن = قب اليـا هـد القواصـر قطاعـه
ياما رعت من مربع زاهـره زيـن = وميرادها عـد ٍ تعـاوى سباعـه
يافاطري عجي قصور (الوداعين) = حني حنين كل من سمعـه راعـه
حني حنين عند قصـر الخماسيـن = واختص عبدالله صبـي الوداعـه
حدر على (الرجبان) هم و(القثانين) = ومن مثلهم حط الوداعـه بضاعـه
ولا على (الجريان) نزاعة الديـن = شرايـة ٍ للمـدح لاجـاء مباعـه
ان كانهـم بـاروا ولاهـم نقييـن = بـاروا وبرّاهـم ولـي الشفاعـه
نجد سلاطين العرب منـه زاريـن = قله ترى قومي غدوا بـه قلاعـه
الله يثبتنـا علـى سنة الـديـن = دين النبي ياحـي ذيـك الشفاعـه
يالله ياجـزل العطـى مرقـب العيـن = يابا الجمايل منـك نرجـي الشفاعـه
جعلك تزينها وتظهـر علـى الزيـن = وترفع مقـام اللـي رفيـع ٍ شراعـه
مبارك بدع قـاف ٍ يشـوق المغنيـن = صعب القـوارع ذلّلـه ليـن طاعـه
زعتـه وجانـي مثـل ورد محيميـن = مـال النذيـر مـن مفاليـه زاعــه
صاح المصيح سابره شـاف بالعيـن = واستلحق الصيـاح باقـي الفزاعـه
فياراكب من فـوق طلـق الذراعيـن = اوراك ماوقـفـت فــي المبـاعـه
مامنهن اللي خرق خشمـه ولاهيـن = وماسيقت في زرع الليالـي وداعـه
ومربعاتن صـوب حدبـا (الكليبيـن) = ومن (راك تثليث) رعت من رجاعـه
سحـم مفاقرهـا وحــم العثانـيـن = وعلى الضحى تشدي المها في التماعه
تلفي لنا شيخ ٍ وراعـي نبـا زيـن = محمد ولـد هـادي طويـل ذراعـه
بحذرك من المسمار لايقـرب القيـن = يخطـر عليهـا قينهـا بانقطـاعـه
ومن الغلق حـاذور لايقـرب العيـن = يخطـر عليهـا عينهـا بانقبـاعـه
حنانتـك ذاللـي تعـج (الوداعيـن) = حني حنين كـل مـن سمعـه راعـه
ماراعنا المدفـع وقبـس (العثاميـن) = يوم غشـى روس الصبايـا قناعـه
من جدنا في (فرعة ) البقع مرسيـن = وكم شيخ قوم ٍ حـط فوقـه شباعـه
يرسخ بنا غرس ٍ وبرج ٍ من الطيـن = ومزيـن تقـاود دبسهـا باتبـاعـه
نذخر نقاوي تمرهـا فـي المواعيـن = ونضيّـف الخاطـر نهـار المجاعـه
لاحـذفـت حيرانـهـا بالمعاطـيـن = هم حرك المقـداح راعـي الزعاعـه
لاتحسبن انا مـن ضمانتـك ساليـن = ولا فنبغـي مـن سنعهـا بضـاعـه
حطيتنـا بينـك وبـيـن القثانـيـن = والشيخ مثلـك فـي جنابـه طماعـه
جاتك غرامة فاطـرك جعلهـا البيـن = عنا وعنكـم مـن البـلا واندفاعـه
حطيتهـا ذم وهـي محتسـب ديـن = وذا سالف الفـراع يعطـي الفراعـه
دولهـا ياجـعـل تـذبـح بسكـيـن = في ديـرك تدعـي عليهـا الجماعـه
مستكثرينك من بواقي الحكـا الشيـن = ومن كال لنا بالمـد نوفيـه صاعـه
في وقت لاحق نرشح لكم الاطلاع على القسم المميز منوعات، حيث يحتوي على باقة منوعة من أفضل المقالات المفيدة في كافة المجالات، وأيضًا نرشح لكم المقال التالي للقراءة: اعراب قصيدة أزين نساء العالمين
لو لي عيال كان شبوا لي النار
هذه القصيدة هي الأخرى لها تميز كبير جدا من حيث النصوص فيها ومن حيث الجمهور الذي يحب المعاني المعبرة بها، والتي جاءت كالتالي.
يا جار عللني وعللـــك ياجــــار <<<<>>>> توسعون الصدر وان جاه خله
ذا لي ثمان سنين ماجالي خطار <<<<>>>> راحت معاميلي وبيتي مزلــه
اثر الكبر به للفتى كسرة اعبـار <<<<>>>> الميته اشلالي ليا فات حلـــه
دنيا تنســينا حــلاها بالامـــرار <<<<>>>> والي مضى نسيوه مافات كله
لو لي عيال كان شبوا لي النار <<<<>>>> يبرون عن نفسي ثمانين عله
أيضًا نرشح لكم قراءة المقال التالي المهم: شرح قصيدة كعب بن زهير بانت سعاد اول ثانوي
يافار هرجني واهرجك
هذه الأبيات الشعرية للشاعر المشهور محمد بن هادي لمست قلوب الكثيرين من محبي الشاعر وجاءت نص القصيدة كالتالي
ياجار هرجني وهرجك ياجار >< توسعون الصدر وان جاه خله
من اول عندي مقاديم الاشوار >< واليوم اقول العلم محـدٍ يشلـه
ذا لي ثلاث ايام ولا جا لي(أو ماشفت ) خطّار >< راحت معاميلي وبيتـي مزلـه
أثر الكبر للفتى به كسرة اعبـار >< الميته أشلالي ليا فـات حلـه
دنيا تنسينا حلاهـا بالامـرار >< واللي مضى نسيوه مافات كله
لولي عيال كان شبوا لي النـار >< يبرون عن نفسي ثمانيـن علـه
لقدر أكبر من الفائدة، نرشح لكم قراءة هذا المقال المميز: شرح قصيدة من اخلاق النبي لاحمد شوقي
ولا العتيبي حاسبينه من المال
وأما الأشخاص الذين يرغبون التعرف على الجميلة أو هذا البيت وعن باقي القصيدة التي كان فيها فهي كالتالي.
الله على شمة عسام الطرادي
وان حججت عند الذرا كل مشوال
مع حرب والغلبا وسبع البوادي
والا العتيبي حاسبينه من المال
عليه وسم ٍ للجحادر وكادي
يزول نجم سهيل والوسم مازال
يالله يـا منشـي مـزون طهايـف
افرج لمنهو ما يجـي درب منقـود
اهديت انا الحرقـا وقلطـت نايـف
وردوا علي الهدو ما ابغى له ردود
نايف على اسمه جا عديم الوصايف
منفله ربي علـى الخيـل بـه زود
ابـوه سبـاق لخيـل الطـوايـف
وامه ثمنهـا تسعـة آلاف منقـود
يا شيخ لا تسمع هروج الحفايـف
خذ جابتي يا منقع الطيـب والجـود
لو كنت عود لـي فعـول عنايـف
وربعي تطاوعني على الهون والكود
شد العتيبي من ورا كشـب خايـف
ولا يحدر كـود يبـرا لـه القـود
وشد المطيري من خشوم الردايـف
وإن سندوا وردوا حنيظل وابا الدود
حنا علـى ضـدك جبـال نوايـف
وحنا لك اطوع من عنيبر ومسعود
لي لابة تـروي حـدود الرهايـف
لا جا نهار فيـه حـاوي ومـردود
ما نشتحن من حرب كل الطوايـف
وألى بدى لازمك حنـا لـك جنـود
لي لابـة مـا جمعـوا بالعلايـف
من نسل قحطان وعزى على هـود
كما نرشح لكم المزيد من المقالات المشابهة للقراءة والاستفادة منها: قصيدة عن رمضان
قصيدة سقنا ابن هادي
في الحقيقة ليس هناك المعلومات الكافية عن النصوص الكاملة لهذه القصيدة ولكن بالكلمات جاء بين بعض الأبيات لبعض الشعراء مثل الأبيات التالية.
لي ديره من الحصاتين ويسار = ويحدها من قبلة حيد الأظلـه
رحت أنا منها ماني بمختـار = مير عدّونا منزحة كل حلـه
جحادرٍ مثل التهامي ليا ثـار = إلى حلّوا بدارٍ حطوها مملـه
ثم حولوا يـم الدويـش بديرتـه= جنوب صبحـاء يمـة الزبـار
خيال مهاوية الجمل ذي عزوتـه=يوم أغتشاء روؤس الهضاب قتار
جيناه جهر ليـن اخذنـا حلتـه=ثم جندلـوا وطبـان بالمصـدار
سقناه لين حنيضل جـاء دونـه=واللي سمع فينـا وراهـم نـار
ثم التفتنا صوب (يام) بالحصي = ومنها حدينا يام بالاجبار
ثـم التقينـا بالزحـول عتيبـه=حرار قطع مـن فـروخ حـرار
سبعة شهور والقنا يقـرع القنـا = شجعـان لكـن وقتهـم منهـار
سقنا حليمه ليـن جـاوا الحـره = اللي على لطم الحفيـف جسـار
من نجـد عديناهـم ولاياتونـه = إلا بعـد جـاه وسـوق مهـار
ولا هم الهيلا مدابيـس الوغـا = وأفعالهم غنـت بهـا الاطيـار
واليوم يعرف حدهم مـن حدنـا = ومـن بيننـا مامونـه لاسفـار
ياللي علينا غيـرك هـرج واشيـن = حنا ترا هـرج الهمـج ماسمعنـاه
لاتحسبـنّـا بنتـرجـا مقـفّـيـن = من صـد عنـا وابتعـد مارجينـاه
ياشايـفٍ نفسـك ترانـا قحاطيـن = من شاف نفسه تحت الاقدام دسنـاه
من خلقت الدنيـا وحنـا سلاطيـن = كم عـز قـوم بالمعـارك كسبنـاه
يشهد لنا التاريخ يـومٍ علـى تيـن = عز الشريف وقوم ابن ضاري خذيناه
حنا بنجد المجـد عالعـز راسيـن = والسيف فـي دم الاعـادي سقينـاه
تاتي لنا الجزيه من يسـار ويميـن = تاتي لبن هادي على جـال مركـاه
تهدا عليك مقاضعـات الحديـدي = واهدوا على جدك جميع البوادي
كل على هرجي لك الله شهيـدي = ولا اقول انا هرج على غير قادي
وإلى هنا نصل نهاية المقال الذي تعرفنا فيه وبشيء من التفصيل على القصيدة المميزة ليت ربي ماخلقني سحيمي، وايضا بعض القصائد الأخرى المميزة.
ومن خلال موقعكم المميز تدوينات، نرشح لكم المقال التالي للقراءة: قصيدة عن عيد الام باللغة العربية الفصحى